Еўрасаюз вітае далучэнне васьмі краін да санкцыяў супраць Мінску
ЕС прымае да ведама і вітае далучэнне 8 краін Еўропы, якія не ўваходзяць у ЕС, да падаўжэння санкцыяў супраць афіцыйнага Мінску да 31 кастрычніка 2013 года.
Пра гэта заявіла Вярхоўная прадстаўніца ЕС па знешняй палітыцы і палітыцы бяспекі Кэтрын Эштан, перадае Радыё "Свабода". Нагадаем, што да рашэння ЕС далучыліся Албанія, Ісландыя, Ліхтэнштэйн, Македонія, Нарвегія, Сербія, Харватыя, Чарнагорыя.
На паседжанні ў Люксембургу ў кастрычніку Рада ЕС вырашыла працягнуць санкцыі супраць афіцыйнага Мінску да 31 кастрычніка 2013 года. Рада ЕС у сваім рашэнні адзначыла, што не ўсе палітвязні былі вызваленыя, ніводзін з палітвязняў не рэабілітаваны, а таксама няма паляпшэнняў у галіне правоў чалавека, вяршэнства закону і дэмакратычных прынцыпаў.