ЕсооМ: Дзве траціны беларусаў бачаць ваенную пагрозу краіне
У цяперашні час існуе ваенная пагроза Беларусі. Так мяркуюць 67% удзельнікаў сацыялагічнага апытання.
Яго правёў у красавіку-траўні 2011 года Аналітычны цэнтр EcooM. А звесткі пра яго вынікі апублікавала дзяржаўнае агенцтва БЕЛТА.
Больш за 35% рэспандэнтаў адназначна заявілі пра пагрозу беларускай дзяржаве, сцвярджаюць сацыёлагі з ЕсооМ. Каля 32% мяркуюць, што яна хутчэй ёсць, чым няма. Адмаўляюць пагрозу амаль 27% апытаных.
Астатнія ўдзельнікі апытання не змаглі адказаць на пытанне сацыёлагаў або не далі адказу. У апытанні ўдзельнічалі 1520 чалавек ва ўзросце ад 16 гадоў і старэйшыя.
