Эпідэмія рэспіраторных хваробаў абвешчаная ў сямі гарадах
Эпідэмія вострых рэспіраторных інфекцыяў абвешчаная ў Мінску, Гродне, Магілёве, Баранавічах, Маладзечне, Салігорску і Барысаве.
Як паведамляе БелаПАН са спасылкай на Мінздароўя, пераважна цыркулююць адэнавірусы і рэспіраторна-сінцытыяльныя вірусы. Лік выпадкаў грыпу па-ранейшаму не перавышае эпідэмічны парог. У сярэднім па Беларусі яны складаюць каля 30% усіх выпадкаў вострых рэспіраторных інфекцыяў.
Найлепшвая сітуацыя з захворваннямі пакуль на Гомельшчыне. Там за апошні тыдзень не адбылося сур'ёзнага росту захварэлых на вострыя рэспіраторныя інфекцыі.
Як паведамляюць СМІ, некалькі школ і дзіцячых садкоў у Мінскай вобласці ўжо зачыненыя на карантын. У прыватнасці, такое адбвлося ў Клецкім раёне.
Фота — medicinthelife.ru