Дзесяткі тысяч беларусаў перабіраюцца ў Расію
Такім чынам нашы суайчыннікі ратуюцца ад раптоўнай беднасці і рэпрэсій.
Масавы зыход з Беларусі толькі пачынае набіраць абароты, паведамляе “Радыё Свабода” са спасылкай на партал “Свабодная прэса”. Сярод прычын эміграцыі ў Расію беларусаў называюцца не толькі рэпрэсіі і беднасць, але таксама пагаршэнне эканамічнай сітуацыі ў Беларусі і роўныя правы з расіянамі падчас працаўладкавання.
У ліку найбольш папулярных у беларусаў спецыяльнасцяў будаўнікі, афіцыянты, пакаёўкі, нянькі. Дадатковы плюс жыцця ў Расіі для маладых беларускіх хлопцаў – магчымасць пазбегнуць службы ў арміі. Згодна заканадаўству, іх немагчыма прызваць ні ў беларускае, ні ў расійскае войска.
