Дзяржкантроль зацікавіўся школьнымі гурткамі

Як інфармуе БЕЛТА, Камітэт дзяржкантролю праверыў сем установаў дадатковай адукацыі — пяць у Віцебску і па адным у Лёзненскім і Бешанковіцкім раёнах.

Сярод парушэнняў правяральшчыкі адзначылі адсутнасць тыпавых штатных раскладаў і нарматываў, фармальнае стварэнне гурткоў, правядзенне заняткаў пры адсутнасці праграм.

Так, у краязнаўчым гуртку "Мая малая Радзіма" ў Палацы творчасці дзяцей і моладзі Чыгуначнага раёна Віцебску заняткі не праводзіліся. На думку Дзяржкантролю, група ўкамплектаваная фармальна, а замест гуртковых заняткаў кіраўнік прыглядаў за дзецьмі, якія самастойна займаліся на трэнажорах. На занятках гуртка "Спартовыя гульні" Цэнтра творчасці дзяцей і моладзі Кастрычніцкага раёна Віцебску падчас маніторынгу знаходзіліся 4 з 12 залічаных школьнікаў. Самога кіраўніка гуртка падчас заняткаў у спартовай зале не было. Пры паўторным наведванні праз два дні заняткі наогул не праводзіліся.

• текст

БОЛЬШ ПА ГЭТАЙ ТЭМЕ

• Сёлета закрыюць 114 школ, у якіх было мала вучняў
• Палітвязень Сяргей Каваленка аднавіў галадоўку пратэсту
• Віцебская міліцыя шукае чарговага Мірона
• У Лепелі жанчына падпаліла кватэру, калі яе дзіця забіралі ў прытулак
• Камітэт дзяржкантролю даказвае, што існуе... план па штрафах
• У лясах Талачыншчыны дзікі паміраюць ад голаду
• У Аршанскім раёне аўтамабіль сутыкнуўся з цягніком