Двое беларусаў абрабавалі польскага дальнабойніка на 8 тысяч долараў
31-гадовы і 36-гадовы мужчыны ўчынілі злачынства на стаянцы аўтазаправачнай станцыі ў польскай мясцовасці Бочуў.
Як паведамляюць мясцовыя СМІ, у момант крадзяжу кіроўца замяняў шыны ў аўтамабілі. Адзін з беларусаў адкрыў дзверы фуры і скраў з кабіны сумку з дакументамі, асабістымі рэчамі, мабільным тэлефонам і грашыма. Пасля гэтага ён сеў у аўтамабіль, за рулём якога быў яго зямляк.
Праз некалькі дзён паляк выпадкова ўбачыў беларусаў на іншай аўтазаправачнай станцыі. Выкліканая паліцыя затрымала падазраваных. Кіроўца фуры ацаніў скрадзеныя рэчы ў 24 тысячы злотых (амаль 8 тысяч долараў). Беларусам пагражае да 5 гадоў пазбаўлення волі.