Беларусы зладзяць у Маскве антыядзерны пікет
Некалькі грамадскіх актывістаў 18 лістапада будуць пікетаваць офіс карпарацыі “Росатам”, каб абараніць сваю краіну ад “ядзернай смерці”.
Іх падтрымаюць таксама прадстаўнікі расійскіх экалагічных рухаў. Акцыя прымеркаваная да візіту Аляксандра Лукашэнкі ў Маскву. Пікетоўцы маюць пратэставаць супраць фінансавання Расіяй Астравецкай АЭС.
Нагодай для пікета сталі заявы беларускіх афіцыйных асобаў пра тое, што 18 лістапада можа быць падпісанае крэдытнае пагадненне і кантракт на будаўніцтва АЭС. Акцыя пратэсту афіцыйна ўзгодненая з маскоўскімі ўладамі.
