Беларускія школы на Беласточчыне сярод лідараў
Вучні школ Бельск-Падляшскага з дадатковай беларускай мовай навучання паказваюць высокія дасягненні ў вучобе.
Пачатковая школа і гімназія знаходзяцца ў лідарах па выніках прадметных конкурсаў у Падляшскім ваяводстве Польшчы. Прадстаўнікі пачатковай школы занялі другое агульнакаманднае месца ў конкурсах, а вучні гімназіі — чацвёртае. Мае сваіх лаўрэатаў таксама і ліцэй. Аб гэтым паведамляе Kurier Poranny.
Такія вынікі прыцягваюць у гэтыя школы найбольш здольных вучняў.
