Беларускія навукоўцы баяцца раскрываць свае польскія карані?
У Польшчы праходзіць з’езд навукоўцаў польскага паходжання. На форум у Ольштын прыехалі 32 выкладчыкі з універсітэтаў Беларусі, Літвы, Латвіі, Украіны і Расіі
Як паведамляе “Польскае прэсавае агенцтва”, 14 верасня яны прадставілі дасягненні навукоўцаў польскага паходжання і іх уклад у развіццё сучаснай навукі краінаў іх пражывання.
Падчас з’езду кіраўнік кафедры інфарматыкі і кампутарнага мадэлявання Гродзенскага ўніверсітэта імя Янкі Купалы Генадзь Шушкевіч адзначыў, што каля 20 адсоткаў супрацоўнікаў кафедры маюць польскае паходжанне. Аднак пры гэтым прызнаў, што гэта выснова, зробленая падчас прыватных гутарак з гэтымі людзьмі.
На думку беларускага гісторыка, прафесара Аляксандра Краўцэвіча, у сувязі з палітычнай сітуацыяй у краіне, шматлікія навукоўцы не хочуць раскрываць сваіх польскіх каранёў.
