Беларускі аўтобус перавярнуўся пад Масквой, пацярпелі пасажыры (фота)
Здарэнне адбылося ўначы на 100-м кіламетры Мінскай шашы.
Кіроўца аўтобуса Mercedes-Benz 0303, які ехаў з Мінска ў расійскую сталіцу (паводле расійскіх СМІ — з Масквы ў Беларусь), не саўладаў з кіраваннем. У выніку, шэсць чалавек (па іншых звестак — дзевяць) атрымалі траўмы рознай ступені цяжкасці, чатырох з іх шпіталізавалі ў Мажайскую бальніцу. Усе яны — грамадзяне Беларусі.
"Интерфакс-Запад" паведамляе, што на момант аварыі ў аўтобусе знаходзіліся 20 пасажыраў і 2 кіроўцы.
Фота — nr2.ru
