Беларусь зазірне ў кішэні замежных турыстаў
Упершыню ў нашай краіне прааналізуюць структуру выдаткаў замежнікаў: дзе турысты бываюць, на што і колькі трацяць грошай.
Тэндэр на такое даследаванне плануе абвясціць Нацыянальнае агенцтва па турызме. Як паведаміў БЕЛТА начальнік аддзела маркетынгу агенцтва Ўладзімір Янкавенка, даследаванне павінна паказаць, чаго ў Беларусі бракуе замежнікам, якія яшчэ турыстычныя аб’екты трэба развіваць.
Колькі год таму таксама спрабавалі гэта прааналізаваць. Вывучалі зацікаўленні турыстаў, якія перасоўваюцца транспартам. Аднак тады даследаванне насіла агульны характар: яно тычылася толькі таго, з якой мэтай жыхары іншых краін прыязджаюць у Беларусь ды ў якіх месцах плануюць спыніцца. Цяпер Нацыянальнае агенцтва па турызме хоча атрымаць падрабязную інфармацыю аб структуры выдаткаў замежных турыстаў.
