Беларусь — сёлетні лідар па росце спажывецкіх коштаў
Наша краіна заняла першае месца сярод рэспублік былога СССР за студзень—люты 2013 года.
Пра гэта паведамляе БелаПАН са спасылкай на звесткі нацыянальных органаў статыстыкі.
За першыя два месяцы года кошты ў Беларусі павялічыліся на 4,3%. Далей ідуць Арменія (2,5%), Азербайджан і Казахстан (па 1,7%), Расія (1,5%), Эстонія (1,3%), Кыргызстан (1,2%), Таджыкістан (1,1%), Малдова (1%), Літва і Украіна (па 0,1%). У Грузіі кошты не змяніліся, а ў Латвіі — зменшыліся на 0,3%. Няма звестак пра Туркменістан і Узбекістан, дзе індэкс коштаў публікуецца штоквартальна, а не штомесячна.
Па выніках 2011 і 2012 гадоў Беларусь стала першай па росце коштаў сярод краін былога СССР (108,7 і 21,8%, адпаведна).