Аварыя на мясакамбінаце ў Глыбокім
18 чэрвеня на прадпрыемстве выбухнуў жыравы кацёл. Пацярпеў слесар, які атрымаў 15-20% апёкаў цела. Адміністрацыя мясакамбіната хавае факт аварыі.
Са спасылкай на аднаго з рабочых сайт glybokae.by піша, што ў сакрэце трымаецца нават сам факт знаходжання пацярпелага слесара ў лякарні. Рабочым, якія хацелі наведаць калегу, паведамілі, што яго перавезлі ў Віцебск. Але высветлілася, што яго перавялі ў платную палату, куды не дапускаюць наведвальнікаў.
Глыбоцкі мясакамбінат разам з малочнакансервавым камбінатам ― самыя вялікія прадпрыемствы ў горадзе. На ім працуе больш за 500 чалавек.
Фота: meatinfo.ru.