Ашчадбанк Расіі прэтэндуе на беларускі калій
25 верасня Аляксандр Лукашэнка сустрэўся са старшынёй упраўлення Ашчадбанка Германам Грэфам.
Кіраўнік Беларусі прапанаваў пашырыць супрацоўніцтва Беларусі з гэтым расійскім банкам. Грэф, у сваю чаргу, пасля сустрэчы заявіў журналістам, што расійскі банк разглядае магчымасць паўдзелнічаць у праекце па распрацоўцы калійнага радовішча ў Беларусі.
Грэф: "Мы абмеркавалі нашы наступныя крокі, інвестыцыі. Цяпер з некалькімі нашымі кліентамі мы разглядаем розныя праекты інвестыцый у Беларусь, у тым ліку адзін з самых буйных праектаў — распрацоўка калійнага радовішча".
Як заявіў банкір, зараз ідзе распрацоўка бізнэс-плану праекта. І ў бліжэйшыя паўгода будзе пранята канчатковае рашэнне наконт гэтага.
Фота — aif.ru