Апазіцыянеры, завербаваныя спецслужбамі, дадуць прэс-канферэнцыю ў Варшаве
Яна пройдзе 8 лістапада ў Беларускім доме (вуліца Вейска, 13-3).
Пра гэта паведаміў прэс-сакратар групы "Рэвалюцыя праз сацыяльную сетку" Уладзімір Кумец. На прэс-канферэнцыі будуць агучаныя факты вярбоўкі Камітэтам дзяржбяспекі беларускіх грамадзян для іх агентурнай працы на тэрыторыі Польшчы і Беларусі.
Актывісты распавядуць аб працэсе вярбоўкі і аб тым, якую інфармацыю хацелі атрымаць ад іх беларускія спецслужбы.
