Ангела Меркель можа байкатаваць чэмпіянат Еўропы па футболе
Паводле неафіцыйных звестак, канцлерка Нямеччыны можа байкатаваць тую частку чэмпіянату, што пройдзе ва Украіне.
Як інфармуе РБК, Меркель можа адмяніць свой візіт ва Украіну на знак падтрымкі былога прэм'ер-міністра, а цяпер зняволенай Юліі Цімашэнкі. Еўрасаюз разглядае зняволенне Цімашэнкі як палітычна матываванае. Еўрапейскія ўлады таксама сур'ёзна заклапочаны чуткамі пра пагаршэнне здароўя былога прэм'ер-міністра і яе збіцці турэмнымі ахоўнікамі.
Па словах нямецкіх СМІ, за прыкладам канцлеркі Украіну могуць байкатаваць іншыя нямецкія палітыкі. Сацыялагічныя апытанні сведчаць, што 52% немцаў выступаюць за байкот палітыкамі матчаў ва Украіне.
Нагадаем, што чэмпіянат Еўропы па футболе пройдзе ва Украіне і Польшчы з 8 чэрвеня па 1 ліпеня.
Фота — immigrant-press.ru
