Андрэю Пачобуту выставілі афіцыйнае абвінавачванне
12 траўня следчы Арсень Нікольскі паведаміў Андрэю Пачобуту і ягонаму адвакату Аляксандру Бірылаву аб сканчэнні следства.
Цяпер афіцыйны статус Пачобута – абвінавачаны ў абразе і паклёпе на прэзідэнта РБ. Журналіст і адвакат пачалі знаёміцца з матэрыяламі справы. За абраза прэзідэнта закон прадугледжвае пазбаўленне волі да двух гадоў, за паклёп на прэзідэнта – да 4 год пазбаўлення волі.
Злачынства абласная пракуратура знайшла ў публікацыях журналіста ў LiveJournal і польскай “Газеце Выборчай”.
Нагадаем, ад пачатку красавіка Анджэй знаходзіцца пад вартай у гродзенскім СІЗА №1.
Фота: bymedia
