Андэрс Брэйвік лічыць, што заслугоўвае смяротнага пакарання
У Осла працягваецца суд над абвінавачаным у здзяйсненні тэрактаў у ліпені 2011 года, у выніку якіх загінулі 77 чалавек.
У судзе працягваецца допыт Брэйвіка. Сёння ён заявіў, што ў яго справе
могуць быць два лагічных фіналы — вызваленне альбо смяротнае пакаранне.
"Я разглядаю тэрмін у 21 год (гэта максімальны тэрмін, які яму пагражае —
Еўрарадыё) як даволі сціплае пакаранне", — сказаў ён.
Андэрс Брэйвік зноў паўтарыў, што не спадзяваўся выжыць падчас тэракту ў Осла, паведамляе РІА "Новости".
Фота — vg.no
