Амбасадары Еўрасаюза могуць вярнуцца ў Беларусь у бліжэйшыя дні
Раней абвяшчалася, што яны вернуцца пасля каталіцкага Вялікадня.
Пра магчымае хуткае вяртанне амбасадараў паведамляе 16 красавіка брусэльскі сайт ЕUobserver.
Нагадаем, што цяпер у Мінску не засталося ніводнага амбасадара краін Еўрасаюза. Усе кіраўнікі пасольстваў пакінулі Беларусь у канцы лютага — пачатку сакавіка пасля дыпламатычнага канфлікту паміж Мінскам і Брусэлем.
5 красавіка Аляксандр Лукашэнка заявіў, што пытанне пра вяртанне дыпламатаў будзе разглядацца ў персанальным парадку.
