Аляксандр Лукашэнка з'явіўся на экране з рассечанымі вуснамі (відэа)
Пашкоджаны твар кіраўніка дзяржавы прадэманстравалі ўвечары 15 красавіка беларускія тэлеканалы.
Дзе атрымаў траўму Аляксандр Лукашэнка, невядома. Асабістае жыццё кіраўніка дзяржавы найчасцей застаецца вялізнай таямніцай. Можна хіба што адзначыць, што такія траўмы характэрныя для хакеістаў. А Лукашэнка вядомы як аматар хакею.
У сэнсе публічнасці ён вельмі адрозніваецца ад лідараў заходняга свету. Нагадаем, што сваім часам практычна ўсе сусветныя СМІ пісалі пра тое, як прэзідэнт ЗША Джордж Буш-малодшы падавіўся салёным сухарыкам і ледзь не задыхнуўся.
