Аляксандр Лукашэнка: З палітычных матываў пад амністыю ніхто не патрапіць
У аўторак праходзіць нарада з удзелам кіраўніка дзяржавы "па пытанні амністыі некаторых катэгорый асобаў, якія здзейснілі злачынствы".
Выступаючы на нарадзе, Лукашэнка заявіў, што ніякай палітыкі пры правядзенні амністыі быць не павінна. "Нацягваць" туды людзей, якія не павінны выходзіць, у тым ліку з нейкіх палітычных прычынаў, ні ў якім выпадку нельга", — цытуе яго словы БЕЛТА.
Нагадаем, мяркуецца, што ў выніку амністыі на волю могуць выйсці каля 2800 чалавек. Амністыя чакаецца да Дня незалежнасці Рэспублікі Беларусь, які адзначаецца 3 ліпеня.
Фота — bymedia.net