Аляксандр Лукашэнка адправіў міліцыянта Ігара Яўсеева на працу ў Віцебск
Кіраўнік дзяржавы абнавіў міліцэйскае кіраўніцтва ды разгледзеў шэраг іншых кадравых пытанняў.
Як паведамляе БЕЛТА, намеснік кіраўніка мінскай міліцыі Ігар Яўсееў прызначаны начальнікам віцебскай абласной міліцыі. Нагадаем, што Яўсееў адзначыўся на вулічных акцыях пасля 19 снежня 2010 года, а таксама на маўклівых акцыях лета 2011 года.
Першым намеснікам міністра ўнутраных справаў — начальнікам крымінальнай міліцыі стаў Валянцін Міхневіч, начальнікам Дэпартамента выканання пакаранняў — Сяргей Дарошка.
Кіраўнік краіны таксама даў згоду на прызначэнне намеснікаў міністраў аховы здароўя, адукацыі, працы, энэргетыкі, жыллёва-камунальнай гаспадаркі. Лукашэнка пагадзіўся прызначыць Эдуарда Гаўрылковіча гендырэктарам завода "Граніт" у Мікашэвічах. Нагадаем, што цягам апошніх месяцаў на гэтым заводзе працоўныя змагаюцца за свае правы.
Фота Ігара Яўсеева — ByMedia.net
