Альшанскім фермерам замест зямлі прапанавалі большыя падаткі
Самыя заможныя альшанскія фермеры браты Міхаіл і Іван Грыбы прасілі зямлю, каб пашырыць свае гаспадаркі.
Пра гэта яны сказалі на нядаўняй сустрэчы з кіраўніком адміністрацыі прэзідэнта Уладзімірам Макеем. Прычым фермеры раскрытыкавалі працу мясцовых СВК і прапанавалі, каб ім аддалі калгасную зямлю.
На гэта прысутны на сустрэчы кіраўнік Брэстчыны Канстанцін Сумар заявіў: СВК — гэта працоўныя месцы і адлічэнні ў мясцовы бюджэт і фонд сацыяльнага страхавання. А вось фермеры ў Альшанах працуюць у цяплічных умовах, плацяць мінімум падаткаў, таму прыйшоў час паставіць іх у аднолькавыя ўмовы з сельгаскааператывамі, піша газета “Вечерний Брест”.