Пачынаецца расследаванне абставін смерці Барыса Беразоўскага
Цела расійскага алігарха яго ахоўнік знайшоў 23 сакавіка ў ваннай у яго доме ў англійскім графстве Беркшыр.
У ноч на аўторак сталі вядомыя папярэднія вынікі ўскрыцця. Паводле дадзеных эксперта, прычынай смерці Барыса Беразоўскага магло стаць павешанне.
Падчас афіцыйнага расследавання абставінаў смерці алігарха, якое пачнецца 28 сакавіка, правядуць таксікалагічныя і гісталагічныя даследаванні. Іх вынікі з'явяцца праз некалькі тыдняў. Толькі пасля гэтага агучаць афіцыйную прычыну смерці Беразоўскага, паведамляе РІА "Новости".
Фота — ria.ru
