Абітурыентам-інвалідам пашыраць магчымасці для паступлення
У Беларусі павялічаць пералік спецыяльнасцяў у ПТВ і ССНУ, на якія могуць паступаць людзі з асаблівасцямі развіцця.
Пра гэта паведаміў на бацькоўскім сходзе Мінскай вобласці міністр адукацыі Сяргей Маскевіч, інфармуе БЕЛТА. На думку міністра, гэта будзе спрыяць больш паспяховай сацыялізацыі выпускнікоў. Цяпер яны могуць атрымаць спецыяльнасць ў галіне будаўніцтва, сельскай гаспадаркі, садова-паркавага будаўніцтва.
Маскевіч таксама дадаў, што важна, каб інвалід мог не толькі атрымаць прафесію, але і працаваць у сябе ў вёсцы, горадзе, раёне.
