Расійскія эксперты: Беларусь можа захапіць краіны Балтыі за два дні
Спецыялісты расійскага Інстытута палітычнага і ваеннага аналізу ацанілі баявы патэнцыял краінаў, якія мяжуюць з Расіяй на захадзе.
Эксперты палічылі войскі Літвы, Латвіі ды Эстоніі самымі слабымі ў Еўропе — нароўні з войскамі Малдовы і Чарнагорыі.
Зусім іншае меркаванне спецыялісты маюць пра войска Беларусі. Яны палічылі яго мацнейшым за войска любой з еўрапейскіх краінаў. У складзе цяперашніх Узброеных сілаў Беларусі — 21 брыгада рознага прызначэння, тры авіябазы. На ўзбраенні — каля 100 ПУ тактычных і аператыўна-тактычных ракет, больш за 1400 танкаў, БМП і БТР — каля 2100, 80 сучасных баявых самалётаў і 21 баявы верталёт. Напрыклад, з такой вайсковай магутнасцю беларусы могуць захапіць краіны Балтыі за 2 дні, паведамляюць расійскія СМІ.
Шайгу: На 2015 год запланаваныя беларуска-расійскія вучэнні "Шчыт Саюза"
Фота — bymedia.net
