П'яны гродзенец на аўто ўцякаў ад ДАІ па лясах (відэа)
Мужчына прыцягнуў да сябе ўвагу тым, што развярнуўся проста перад патрулём.
Жыхар Гродна ў сябе на лецішчы выпіў з сябрам бутэльку гарэлкі і вырашыў з'ездзіць "дагнацца". Але гэтая паездка скончылася яго ўцёкамі ад ДАІ, піша сайт s13.ru.
Мужчына на сваім "сітраене" паехаў у краму, аднак перад уездам у вёску пабачыў нарад ДАІ. Нецвярозы кіроўца адразу развярнуўся ў адваротны бок і кінуўся наўцёкі.
Пагоня за гродзенцам ішла па палях і лясах, пакуль кіроўца не заехаў у тупік. Там яго і затрымалі інспектары ДАІ.
Утрыманне алкаголю ў арганізме затрыманага перавысіла максімальна дазволенае прыкладна ў сем разоў.