“Пяць разоў мянялі вокладку”. Чаму пяцітомнік Алексіевіч не выйшаў да яе юбілею

“Пяць разоў мянялі вокладку”. Чаму пяцітомнік Алексіевіч не выйшаў да яе юбілею

Арганізатары збору сродкаў на выданне пяцітомніка Святланы Алексіевіч "Галасы утопіі" паведамілі, што не паспяваюць ўкласціся ў абяцаныя тэрміны і прывезці кнігі ў траўні:

“Пяць разоў мянялі вокладку”. Чаму пяцітомнік Алексіевіч не выйшаў да яе юбілею

“Узнікла невялікая затрымка, у сувязі з чым кнігі прыедуць у Мінск у дзясятых днях чэрвеня. Прэзентацыя ў Мінску запланаваная на 25 чэрвеня і пройдзе ў ОК16”.

Выдавец пяцітомніка Ігар Логвінаў тлумачыць Еўрарадыё, што затрымка адбылася праз складаную вокладку, якую давялося змяняць пяць разоў:

"З вокладкай шмат праблем у друкарні. Ужо пяць разоў мянялі яе. Вось літаральна на днях адправілі канчатковы варыянт. Спадзяёмся, што кнігі прыедуць у Беларусь у пачатку чэрвеня".

Праблема заключаецца яшчэ і ў тым, что тыпаграфія, якая друкуе беларускія пераклады асноўных твораў нобелеўскай лаўрэаткі, знаходзіцца ў Цверы, што ў 725 кіламетрах ад Мінска.

З’яўленне беларускіх перакладаў Святланы Алексіевіч было б выдатным падарункам да 70-гадовага юбілею, які пісьменніца адзначае сёння, 31 траўня. Але, на жаль, атрымалася так, як атрымалася.

 

Апошнія навіны

Галоўнае

Выбар рэдакцыі