Пры пажары ў гандлёвым цэнтры эвакуявалі 52 чалавекі (фота)
Пажар здарыўся ў аршанскім гандлёвым цэнтры "Цэнтрум". Ён размяшчаецца на вуліцы Міра, 4.
Як паведамляе прэс-служба выратавальнікаў, на месцы выкліку выявілася, што гарыць дэкаратыўная ашалёўка навесу над ганкам.
Выратавальнікі разам з работнікамі гандлёвага цэнтра эвакуявалі з будынка 52 чалавекі. Пацярпелых няма.
Прычына пажару і памер шкоды высвятляюцца. У выніку пажару знішчана 5 кв.м і пашкоджана 20 кв.м дэкаратыўнай ашалёўкі брылька.
Фота — mchs.gov.by
