Праз засуху буслы масава выкідваюць з гнёздаў буслянят
Птушкі не могуць пракарміць патомства, пакідаюць толькі 1-2 птушанят.
Аб тым, што буслы маюць сёлета складанасці з пракормам птушанят, паведамляе аб’яднанне “Ахова птушак Бацькаўшчыны”. Кальцавальнікі з арганізацыі знаходзяць ля гнёздаў буслоў на Палессі нямала загінулых буслянят. Мясцовыя жыхары расказваюць, што буслы выкідваюць з гнёздаў яйкі і птушанят, пакідаючы па 1-2. Такім чынам птушкі спрабуюць захаваць хаця б частку нашчадкаў, яны разумеюць, што не змогуць выкарміць ўсіх.
У АПБ фіксуюць дзесяткі тэлефанаванняў з гэтай нагоды — людзі спрабуюць выратаваць птушанят.
