Прарыў вадаправода пакінуў Ветку без халоднай вады
Здарэнне ў райцэнтры Гомельскай вобласці адбылося ўвечары 17 красавіка.
Пра гэта Еўрарадыё распавёў прэс-сакратар Гомельскага абласнога ўпраўлення Міністэрства па надзвычайных сітуацыях Руслан Габрылёў.
Габрылёў: "У Ветцы ўчора каля 6-й гадзіны вечара было адключэнне халоднага водазабеспячэння. Увесь горад быў без вады. Але ў самыя кароткія тэрміны было адноўлена ўсё. Работнікі МНС ўвечары запраўлялі малакавозы вадой і падвозілі яе насельніцтву".
Аварыя была ліквідаваная літаральна цягам гадзіны. Яе прычынай называюць зношанасць трубы.
Фота — 112.by
