Пракуратуры не падабаецца крыж на месцы гібелі камандзіра АК
Пракуратура Шчучынскага раёна вынесла афіцыйнае папярэджанне арганізатарам несанкцыяванага ўсталявання крыжа на тэрыторыі Бакштаўскага сельсавета.
Як піша "Гродзенская праўда", крыж пастаўлены 12 траўня на месцы гібелі Олеха — аднаго з камандзіраў Арміі Краёвай. Пракуратура вынесла папярэджанне за тое, што арганізатары акцыі не атрымалі ніякіх неабходных у такім разе ўзгадненняў з уладамі і дазволу на ўсталяванне крыжа.
Незадавальненне ж афіцыйнай "Гродзенскай праўды" выклікала тое, што крыж пастаўлены ў памяць пра АКоўца, які некалькі гадоў пасля вайны ладзіў збройны супраціў камуністычным уладам.