Праект урадавага рашэння пра "падатак на дармаедаў" ужо падрыхтаваны
Пра гэта паведаміла начальнік галоўнага ўпраўлення фінансавання сацыяльнай сферы і навукі Міністэрства фінансаў Святлана Крэтава.
У аўторак яна выступала ў Палаце прадстаўнікоў. Чыноўніца кажа, што праект прадугледжвае атрыманне платы з грамадзян, якія не працуюць і не плацяць падаткі, але з'яўляюцца спажыўцамі сацыяльных паслуг.
Па словах Крэтавай, якія перадае interfax.by, пытанне пра гэты падатак разглядаецца ва ўрадзе.
Нагадаем, што паняцце "дармаедства" існавала ў Крымінальным кодэксе Савецкага Саюза. Згодна з ім, напрыклад, быў асуджаны паэт Іосіф Бродскі, будучы Нобелеўскі лаўрэат.
Фота — maechka.ru, Fotolia
