У судзе па "справе Коржыча" ізноў перапынак — да 17 кастрычніка
Працягваецца суд па "справе Коржыча". Еўрарадыё вядзе онлайн з суда Маскоўскага раёна Мінска.
Гучны працэс аднавіўся ў панядзелак пасля 20-дзённага перапынку. Дапытвалі сведак.
У судзе разглядаецца крымінальная справа аб гібелі восенню 2017-га 21-гадовага салдата тэрміновай службы Аляксандра Коржыча ў навучальным цэнтры ў Печах. Абвінавачванне выстаўленае тром сяржантам: Яўгену Бараноўскаму, Ягору Скуратовічу і Антону Вяжэвічу.
