Пра біятланістку Дар'ю Домрачаву знялі кіно (відэа)

Тэлеканал АНТ зняў дакументальны фільм пра трохразовую алімпійскую чэмпіёнку біятланістку Дар'ю Домрачаву. Называецца стужка "Заваёўніца глобуса". Паведамляецца, што журналісты тэлеканала рабілі здымкі ў самых розных кутках свету — ад Екацярынбурга да Нью-Ёрка.

У свае 28 гадоў Домрачава выйграла ўсе магчымыя ўзнагароды ў біятлоне, адзначаюць аўтары фільма і спрабуюць разгадаць феномен дачкі мінскіх архітэктараў. У фільме гучаць меркаванні вядомых спартсменаў і аўтарытэтных трэнераў, журналістаў і аматараў спорту з Беларусі, Расіі, Нямеччыны, Аўстрыі, ЗША і Вялікабрытаніі. Увайшло ў яго і вялікае інтэрв'ю самой Домрачавай.

Фота: ria.ru