Пінскія памежнікі сваё прафесійнае свята адзначалі пад расійскі гімн (фота)
На галоўнай плошчы горада вайсковы аркестар граў галоўны вайсковы марш Расійскай імперыі — марш Прэабражэнскага палка.
Сваё прафесійнае свята пінскія памежнікі распачалі ў цэнтры горада. На плошчы побач з былым езуіцкім калегіюмам ваенны аркестр зладзіў эфектны плац-парад, а потым сваё майстэрства паказала кіналагічная служба.
Праўда, даволі дзіўна гучаў марш Прэабражэнскага палка, які спявалі ўдзельнікі аркестра. Словы пра перамогу войска на чале з царом над шведамі і ляхамі недарэчна гучалі з вуснаў беларускіх памежнікаў.
