Пінскага эксгібіцыяніста адправілі за краты
Следчыя здолелі даказаць чатыры выпадкі з’яўлення 30-гадовага мужчыны ў аголеным выглядзе перад гараджанамі.
Ён атрымаў два гады калоніі строгага рэжыму.
Як паведамляе газета “Полесская правда”, эксгібіцыяніст падыходзіў у доўгім паліто да аўтобусных прыпынкаў ці лаваў перад пад’ездамі шматпавярхавікоў і распранаўся перад людзьмі. Злавіць зламысніка дапамаглі дзяўчынкі-падлеткі — яны не разгубіліся і прасачылі, дзе жыве неадэктватны чалавек, а пасля паведамілі ў міліцыю.
Суд прызнаў прылюднае распрананне злосным хуліганствам.
