Пенсіянераў, якіх затрымалі на пінскім рынку, ужо асудзілі
Аблава на людзей сталага веку, якія прадаюць садавіну, гародніну, ягады і грыбы ля ўвахода на міні-кірмаш “Заходні”, адбылася 7 ліпеня.
На відэа відаць, як міліцыянты жорстка затрымліваюць жанчын, дзядулю з сівой барадой.
Адных пакаралі за нелегальны гандаль, іншых — за супраціўленне міліцыі. “Усё было ў межах закону”, — перадае словы начальніка пінскай міліцыі Валерыя Грынько “Комсомольская правда в Беларуси”.
Нагадаем, за нелегальны гандаль можна атрымаць штраф да 1 мільёна рублёў, а за супраціўленне міліцыі могуць пакараць суткамі.