Памочнік Авакава: Я не ведаю пра ўдзел беларусаў у вайне на баку Украіны
МУС Украіны не мае звестак пра ўдзел у баявых дзеяннях грамадзян Беларусі, якія заявілі пра намер ваяваць у складзе атрада "Пагоня".
Пра гэта парталу tut.by заявіў Антон Герашчанка, памочнік міністра ўнутраных спраў Украіны Арсена Авакава. Ён таксама адзначыў, што пры яго спрыянні ні адзін з беларусаў не атрымліваў ўкраінскага грамадзянства для легалізацыі свайго ўдзелу ў антытэрарыстычнай аперацыі ў Луганскай і Данецкай абласцях.
Па словах Герашчанкі, Украіна пакуль не распрацавала і спрошчанай сістэмы атрымання ўкраінскага грамадзянства для добраахвотнікаў з іншых краін.
Разам з тым саветнік міністра паведаміў, што атрыманыя на мінулым тыдні "безумоўныя доказы таго, што апалчэнцамі ДНР і ЛНР кіруе міністр абароны Расіі Сяргей Шайгу", афіцыйны Кіеў перадае ў міжнародныя арганізацыі.
Фота — novostimira.com.ua
