Памерла дзяўчынка, якая атрымала траўму на дзіцячай пляцоўцы ў Мінску
Памерла дзяўчынка, якая атрымала траўму на дзіцячай пляцоўцы ў Мінску. Пра гэта ў Facebook паведаміла афіцыйная прадстаўніца Следчага камітэта Беларусі Юлія Ганчарова.
Здарэнне адбылося 4 траўня ў двары аднаго з дамоў у Фрунзенскім раёне сталіцы. Дзяўчынку 2009 года нараджэння знайшлі без прытомнасці на дзіцячай пляцоўцы каля гульнявой горкі. Паводле папярэдняй інфармацыі, яна зачапілася адзеннем за парэнчы.
Мінакі аказалі дзіцяці першую меддапамогу і выклікалі хуткую. На жаль, медыкі не здолелі выратаваць жыццё дзяўчынкі. Яна памерла раніцай 5 траўня.
Учора на месца здарэння выязджаў старшыня Следчага камітэта Іван Наскевіч (на здымку знізу).
Фота з Facebook Юліі Ганчаровай.