Падрабязнасці нападу ў Гомелі: з'явіліся фота двух рабаўнікоў
![Падрабязнасці нападу ў Гомелі: з'явіліся фота двух рабаўнікоў](/sites/default/files/styles/gallery_main/public/2023-08/sk-0309.jpg.webp?itok=relga1Z0)
Следчы камітэт паведаміў падрабязнасці разбойнага нападу на жанчыну, які адбыўся ў Гомелі напярэдадні.
Як распавядала Еўрарадыё, увечары на гамяльчанку напалі тры невядомыя, збілі, заштурхнулі ў яе "БМВ" і вывезлі за горад да лесу. Там яны запатрабавалі з жанчыны грошы.
Паводле звестак следчых, у нападзе ўдзельнічалі два 18-гадовыя хлопцы і адзін 17-гадовы. Пад пагрозай згвалтавання і забойства юнакі патрабавалі ў гамяльчанкі 15 тысяч долараў. Па іх словах, гэтыя грошы ім завінаваціўся яе нябожчык-муж. Заехаўшы ў лес, маладыя людзі агледзелі аўтамабіль і знайшлі ў багажніку заплечнік з грашыма: там было 5 тысяч долараў і 400 рублёў.
Яны забралі гэтыя грошы і паехалі назад у Гомель. Па дарозе іх заўважыў нарад ДАІ. У горадзе нападнікі кінулі аўто і ўцяклі, пакінуўшы жанчыну адну.
Гэтай жа ноччу міліцыянты затрымалі аднаго з нападнікаў недалёка ад яго дома. Следчыя працуюць з 17-гадовым хлопцам.
Праваахоўнікі выявілі, што нападнікі не працуюць і не вучацца, раней прыцягваліся да крымінальнай адказнасці за ўчыненне крадзяжоў.
Тых, каму што-небудзь вядома пра месцазнаходжанне асоб, паказаных на фотаздымках, просяць звярнуцца ва ўпраўленне Следчага камітэта па Гомельскай вобласці па тэлефонах 8 (044) 772-75-45, 8 (0232) 69-31-23.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.