Пад цягніком "Мінск — Кіеў" загінуў пенсіянер з вазком
Трагічнае здарэнне адбылося пад Бабруйскам. Мужчына вяртаўся з лецішча і своечасова не пабачыў набліжэнне цягніка.
У Бабруйскім раёне каля 6-й гадзіны раніцы 15 кастрычніка пад цягніком "Кіеў — Мінск" загінуў 73-гадовы пенсіянер. Ён вяртаўся з лецішча, меў з сабой вазок. Мужчына пераходзіў праз рэйкі і своечасова не пабачыў набліжэнне цягніка, не пачуў ён і гукавых сігналаў.
БелаПАН адзначае, што машыніст не толькі сігналіў, але і выкарыстаў экстраннае тармажэнне. Аднак гэта таксама не дапамагло. Па факце няшчаснага выпадку праводзіцца праверка.
Здымак з архіву. Фота: ria.ru