Новым кіраўніком Мінгарвыканкама стаў Андрэй Шорац
На гэтай пасадзе ён замяніў Мікалая Ладуцьку. Раней Шорац быў міністрам жыллёва-камунальнай гаспадаркі.
6 лістапада Аляксандр Лукашэнка правёў шэраг кадравых перастановак, інфармуе БЕЛТА.
Кіраўнік дзяржавы таксама прызначыў міністрам фінансаў Уладзіміра Амарына, старшынёй Дзяржаўнага мытнага камітэта Юрыя Сянько.
Новым прэс-сакратаром кіраўніка Беларусі стала Наталля Эйсмант.
Таксама Лукашэнка даў згоду на прызначэнне:
Вадзіма Заранкіна — старшынёй Камітэта дзяржаўнага кантролю Віцебскай вобласці;
Алега Садоўскага — старшынёй Камітэта дзяржаўнага кантролю Магілёўскай вобласці;
Івана Галаватага — генеральным дырэктарам ААТ "Беларуськалій".
Фота Андрэя Шорца — ctv.by
