Невядомы з электрашокерам абрабаваў банк у Полацкім раёне
Невядомы з электрашокерам абрабаваў адзяленне банка ў гарадскім пасёлку Фарынава Полацкага раёна. Здарэнне адбылося каля 13-й гадзіны ў сераду, 1 сакавіка. Як інфармуе БЕЛТА, зламыснік выкарыстаў супраць касіра электрашокер і забраў грошы — 10,5 тысячы рублёў. Цяпер яго шукаюць праваахоўнікі. На месцы працуюць аператыўнікі з Полацка і Віцебска.
