Непагадзь у Мінску: вецер сарваў дах дома і кінуў яго на машыны (фота)

Увечары 29 траўня ў Мінску панавала непагадзь: дажджы і моцны вецер. Як інфармуе ў Twitter прэс-служба МНС, у раёне Запарожскай плошчы вецер сарваў дах ("частку канструкцыі") прыватнага жылога дома. Ён апынуўся на праезнай часткі, пашкодзіў тры аўтамабілі. З-за пашкоджанай лініі спыняўся рух тралейбусаў. На шчасце, ніхто з людзей не пацярпеў.

Ратавальнікі адзначаюць, што гэта было самае сур'ёзнае здарэнне ў сталіцы.