Некаторых удзельнікаў "Чарнобыльскага шляху" затрымалі
Пра гэта паведамляюць праваабаронцы.
Праваабаронцы паведамляюць пра затрыманні ўдзельнікаў "Чарнобыльскага шляху". У прыватнасці, ёсць звесткі, што затрымалі Віктара Шапуцьку і яшчэ двух удзельнікаў шэсця, прозвішчы якіх невядомыя. Пра аднаго з іх вядома, што ён меў пры сабе ўкраінскі сцяг.
Як інфармуе БелаПАН, рабіліся спробы затрымаць грамадскіх актывістаў Леаніда Кулакова і Максіма Вінярскага, але ім удалося сысці ад пераследу.
Назіральнікі чулі, як па рацыі супрацоўнікам міліцыі загадвалі выпускаць з парку каля чарнобыльскай каплічкі толькі тых удзельнікаў акцыі, у якіх няма сімволікі.
На фота з сацыяльных сетак — Максім Вінярскі
