Неафіцыйныя СМІ назвалі Пракаповіча казачнікам
На гэтым тыдні афіцыйная і неафіцыйная прэса абмяркоўвала дзве яскравыя лічбы. Абедзве з іх тычыліся заробку беларусаў.
“Мінімальная зарплата з 1 студзеня ўстаноўлена ў памеры 208 тысяч 800 рублёў”, - піша газета “Звязда”. Пры гэтым зазначае, што пагадзінная мінімальная заработная плата ўстаноўлена ў памеры 1240 беларускіх рублёў. Такую ж інфармацыю, амаль яе не каментуючы, агучылі і іншыя афіцыйныя СМІ. Неафіцыйную ж прэсу больш зацікавіла іншая лічба.
"У 2010-2015 гады мы павінны вырашыць шэраг глабальных задач. У прыватнасці, сярэдні заробак ў 2015 годзе павінен быць не менш за 1 тысячу еўра. Гэтая сур'ёзная задача пастаўлена кіраўніком дзяржавы", - цытуе словы кіраўніка Нацыянальнага банка Беларусі Пятра Пракаповіча Хартыя’97.
“Казкі ад Пракаповіча”, — такі загаловак далі журналісты артыкулу. І ўзгадалі, што спадар Пракаповіч і раней любіў даваць падобныя абяцанні:
“Спадар Пракаповіч – вядомы казачнік. Не далей, як мінулай восенню ён чарговым разам распавёў беларусам казку пра тэмпы інфляцыі ў краіне. Галоўны банкір, не міргнуўшы вокам, паведаміў, што за студзень–верасень інфляцыя ў Беларусі склала 5,4%, або 0,6% у сярэднім за месяц”.
Але Хартыя’97 нагадвае, што кошты на прадукты за гэты ж перыяд нашмат узраслі – на мяса і малако як мінімум на 40%. За электрычнасць беларусы сталі плаціць амаль на 25 працэнтаў больш, за газ – на 23 працэнта, за паслугі ЖКГ – на 10 працэнтаў, за праезд у транспарце – на 15 працэнтаў, сметанковае масла падаражэла аж на 80%, а алей – у два разы!
“Мінстат дае няправільныя дадзеныя не толькі па ўзроўні інфляцыі, але і па росце ВУП, а значыць, і па ўсіх іншых паказчыках”, — кажа эканаміст Леанід Злотнікаў у інтэрв’ю Хартыі.
“Таму чакаць беларусам сярэднемесячнага заробку ў 1 тысячу еўра давядзецца яшчэ вельмі доўга і не пры гэтай уладзе. Вядома, калі казачнік Пракопавіч не прыдумае, як яго «намаляваць» пры дапамозе афіцыйнай статыстыкі”, - абагульняе вышэйсказанае журналіст інтэрнэт-выдання.
“Казачнікам” палічылі Пракаповіча і чытачы, якія іранічна пісалі ў каментарах да артыкула, што сярэдні заробак па-беларуску – “гэта калі ты атрымаў 900 еўра, а я 100, а на дваіх мы атрымалі ў сярэднім 1000”.
На гэтым жа тыдні “Белта” агучыла яшчэ адну лічбу, роўную 200, але ўжо не беларускіх рублёў, а долараў:
“У Беларусі не засталося раёнаў, дзе ўзровень заробку не дасягнуў 200 долараў. Пра гэта на выніковай калегіі Міністэрства працы і сацыяльнай абароны паведаміла першы намеснік міністра Алена Колас. Яна адзначыла, што ў 2007 годзе ўсе рэспубліканскія органы ўпраўлення і выканаўчыя камітэты выканалі сваю задачу па росце заробку. Гэта забяспечыла выкананне дадзенага прагнознага паказчыка па краіне ў цэлым”.
Далей “Белта” піша, што сярэднемесячны заробак у Беларусі ў снежні мінулага года склаў 795,4 тысячы альбо 369 долараў. Нагадаем, што па словах кіраўніка Нацыянальнага банка Беларусі ў 2015 годзе гэтая лічба павінна быць роўная 1000 еўра, гэта значыць 1500 доларам.
Няцяжка падлічыць, што пры такім раскладзе штогод сярэдні заробак павінен павялічвацца мінімум на 160 долараў.
“Мінімальная зарплата з 1 студзеня ўстаноўлена ў памеры 208 тысяч 800 рублёў”, - піша газета “Звязда”. Пры гэтым зазначае, што пагадзінная мінімальная заработная плата ўстаноўлена ў памеры 1240 беларускіх рублёў. Такую ж інфармацыю, амаль яе не каментуючы, агучылі і іншыя афіцыйныя СМІ. Неафіцыйную ж прэсу больш зацікавіла іншая лічба.
"У 2010-2015 гады мы павінны вырашыць шэраг глабальных задач. У прыватнасці, сярэдні заробак ў 2015 годзе павінен быць не менш за 1 тысячу еўра. Гэтая сур'ёзная задача пастаўлена кіраўніком дзяржавы", - цытуе словы кіраўніка Нацыянальнага банка Беларусі Пятра Пракаповіча Хартыя’97.
“Казкі ад Пракаповіча”, — такі загаловак далі журналісты артыкулу. І ўзгадалі, што спадар Пракаповіч і раней любіў даваць падобныя абяцанні:
“Спадар Пракаповіч – вядомы казачнік. Не далей, як мінулай восенню ён чарговым разам распавёў беларусам казку пра тэмпы інфляцыі ў краіне. Галоўны банкір, не міргнуўшы вокам, паведаміў, што за студзень–верасень інфляцыя ў Беларусі склала 5,4%, або 0,6% у сярэднім за месяц”.
Але Хартыя’97 нагадвае, што кошты на прадукты за гэты ж перыяд нашмат узраслі – на мяса і малако як мінімум на 40%. За электрычнасць беларусы сталі плаціць амаль на 25 працэнтаў больш, за газ – на 23 працэнта, за паслугі ЖКГ – на 10 працэнтаў, за праезд у транспарце – на 15 працэнтаў, сметанковае масла падаражэла аж на 80%, а алей – у два разы!
“Мінстат дае няправільныя дадзеныя не толькі па ўзроўні інфляцыі, але і па росце ВУП, а значыць, і па ўсіх іншых паказчыках”, — кажа эканаміст Леанід Злотнікаў у інтэрв’ю Хартыі.
“Таму чакаць беларусам сярэднемесячнага заробку ў 1 тысячу еўра давядзецца яшчэ вельмі доўга і не пры гэтай уладзе. Вядома, калі казачнік Пракопавіч не прыдумае, як яго «намаляваць» пры дапамозе афіцыйнай статыстыкі”, - абагульняе вышэйсказанае журналіст інтэрнэт-выдання.
“Казачнікам” палічылі Пракаповіча і чытачы, якія іранічна пісалі ў каментарах да артыкула, што сярэдні заробак па-беларуску – “гэта калі ты атрымаў 900 еўра, а я 100, а на дваіх мы атрымалі ў сярэднім 1000”.
На гэтым жа тыдні “Белта” агучыла яшчэ адну лічбу, роўную 200, але ўжо не беларускіх рублёў, а долараў:
“У Беларусі не засталося раёнаў, дзе ўзровень заробку не дасягнуў 200 долараў. Пра гэта на выніковай калегіі Міністэрства працы і сацыяльнай абароны паведаміла першы намеснік міністра Алена Колас. Яна адзначыла, што ў 2007 годзе ўсе рэспубліканскія органы ўпраўлення і выканаўчыя камітэты выканалі сваю задачу па росце заробку. Гэта забяспечыла выкананне дадзенага прагнознага паказчыка па краіне ў цэлым”.
Далей “Белта” піша, што сярэднемесячны заробак у Беларусі ў снежні мінулага года склаў 795,4 тысячы альбо 369 долараў. Нагадаем, што па словах кіраўніка Нацыянальнага банка Беларусі ў 2015 годзе гэтая лічба павінна быць роўная 1000 еўра, гэта значыць 1500 доларам.
Няцяжка падлічыць, што пры такім раскладзе штогод сярэдні заробак павінен павялічвацца мінімум на 160 долараў.