Нападнік на пункт абмену валют знаходзіцца ў шпіталі
Як заявіў прэс-сакратар ГУУС Мінгарвыканкама Аляксандр Ластоўскі, "доўгія перамовы са злачынцам плёну не прынеслі".
На пытанне БелаПАН, ці жывы нападнік, Ластоўскі адказаў: "Быццам бы, так, яго павезлі на хуткай дапамозе. Дзяўчыне дапамогу лекары і псіхолагі аказалі на месцы".
Прадстаўніца Следчага камітэта Юлія Ганчарова паведаміла, што на месцы злачынства працягваюцца следчыя дзеянні — вядзецца гутарка са сведкамі, здымаюцца запісы відэакамер.
Па факце нападу на абменнік "БелСвісБанка" праваахоўнікі пачалі крымінальную справу (арт. 291 Крымінальнага кодэкса "Захоп закладніка").
Фота — onliner.by
