Напад на крэматорый: спрабавалі скрасці парэшткі Зігмунда Фрэйда
Скотланд-Ярд шукае зламыснікаў, якія ўчынілі налёт на крэматорый у лонданскім раёне Голдэрс Грын.
Здарэнне адбылося 31 снежня ці 1 студзеня, але пра яго стала вядома толькі цяпер. Антычная ўрна, узрост якой налічвае каля 2300 гадоў і ў якой знаходзяцца парэшткі Фрэйда ды яго жонкі Марты, атрымала сур'ёзныя пашкоджанні.
Паліцыя паведамляе, што цяпер урну перанеслі ў надзейнае месца, а меры бяспекі былі перагледжаныя пасля інцыдэнта, інфармуе РІА "Новости".
Нагадаем, Зігмунд Фрэйд (1856 — 1939) — знакаміты аўстрыйскі псіхааналітык, заснавальнік псіхааналізу. Перад смерцю ён пераехаў у Вялікабрытанію, дзе памёр, яго цела крэміравалі.
Фота — JHvW
