Напад каля станцыі мінскага метро: невядомыя ўкусілі і збілі школьніка (відэа)
Здарэнне адбылося ўвечары 2 траўня ў падземным пераходзе на плошчы Перамогі.
17-гадовы школьнік ішоў у метро, калі раптам на яго напаў невядомы хлопец і... ўкусіў за нагу. Пацярпелы паспрабаваў хутчэй пайсці далей, але ў гэты момант на яго напаў іншы хлопец і пачаў збіваць. Зламыснікі ўцяклі, калі пачулі, што кантралёр метро выклікае міліцыю.
Як паведамляе сталічная міліцыя, школьніку паставілі дыягназ — чэрапна-мазгавая траўма. Распачатая крымінальная справа за хуліганства. Праваахоўнікі просяць дапамагчы знайсці хулігана, твар якога быў зняты камерай відэаназірання.
